Au davo sobu meu cegu
Mai na ogaoga ni dua na siga
Qai kau yani na yaloqu
Niu vodo yani ena dua na waqa
Mataka lailai niu yadra
Noqu turaga cava sa macala?
Mo na gade tu ki Taveuni
Ka mo na laki vaka lasalasa
Biu ko Suva ena tusiti
Tini na kaloko me sere na dali
Nai lakolako ki Taveuni
Adi Savusavu meu vodo yani
Vinaka Joseva Ciri na wekaqu
Nomuni veivakadeitaki
Dela ni dreke ni Adi Savusavu
Sau dina nomu vakayatuyatu
Savusavu meu kele yani
Ciwa na kaloko na kena yakavi
Maca vakavo toka na yaqona
Tobu ni wai katakata meu sotava
Savusuavu moce koto mada
Au na sega saraga ni guilecava
Masela e rui ‘ana vina’a
Mai vei ‘emudou ‘ece a marama
Sa malaude tu na yaloqu
Kau se vakatataro voli ga
Ni qai kida cake na mataka
Taveuni e vovotu mamaca
Dua na siga noqu tiko voli
Sa vaka me vica vata na yabaki
Veikauwaitaki kei na lasa
Mai na vuvale yaloyalo vinaka
Vinaka vakalevu Taveuni
Nomuni veikauwaitaki
Moce koto ko na tawaguilecavi
Na Melanesian e loloma tu yani.
Leave a Reply