Recent Posts

Sobo sa dro

Au vakananuma lesu tale koi au
Nomu biuji keitou tadu sa gole
Nai lakolako vaka cina ni bote
Ciri yawa mai na yatu Lau

Vaka cavari nai tavi meu sa lesu yani
Vei kemudou noqu vei tinani
Niu curu e vale au veirayaki
Meu raici iko daulomani

Au tarogi rau na luvedaru
Sai vei ko jinamudrau
Rau cuva sobu ena yalo e luluvu
Wai ni mata e drodro yauyau

Chrs
Sobo sa dro
Laki dro noqu dau lomani
(Au vakila) Kila sa yawa vei Au
Niko dro sega ni tatau (lead)

Sauni taro au qai rogoca
Isa ko nau sa dro vakayawa
Mai bikau dina na yalo e rarawa
Kau taroga se cava noqu cala

Rau na luvequ rau mate na tagi
Lesu mai lei tinaqu lomani
Keitou vakanuinui ni na mai tomani
Nomu I tavi vaka ni veiqaravi

Moce dau lomani au loloma yani
Vei Jiana Cavu Etaula Adi
Mai Namuka I Lau na nomu baravi
Loloma mai vei Sere Vasi
(Repeat Chrs once)

Print Friendly, PDF & Email

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>