Fijian Lyrics
E vakadruma yalo niu nanuma lesu tale
Daru okata na vakawati me ka wale
Dredre dina meu tabonaka
E vutoki au na mosi
Utoqu leilei e bibivoro
Masa na yagoqu ni curumi na kavoro
Daru a qalova uaua beka na moka
Ni se levu na gauna ni veitalanoa
Ovici kedaru voli na kena kamikamica
Nodra vosa daru tawa kinoca
Na ivau oqo sa bukia mai cake ko Koya
Au a cala beka ena imatai ni gauna
Digidigia beka na taba ni niu e loma
De au vanavana beka na vula
Vakayagataki voli meu ibutubutu wale ni katuba
Yabaki wale nodaru waqa me sa soko
Cagi muri tu na takali ni dodomo
Yaco me vua ka buroro na loma ni veisenikau
Rua na luvedaru lomani, kedaru i vola bula
Sa matamu kece Adi Vani
Cabe wale tu na ua taletale
Yaco sara lewa mo nadaku tani
Buwawa kece vei iko na veidinadinati
Ni sa dua tale na tagane
Ki daligamu me lamawa tale
Au a cala beka ena imatai ni gauna
Digidigia beka na taba ni niu e loma
De au vanavana beka na vula
Vakayagataki voli meu ibutubutu wale ni katuba
Moce na watiqu
na utoqu sa mai bolai rua
loloma yani vei karua
Moce noqu Rosi au loloma yani
Siga kei na bogi au vakila tu ga na mosi
Mei cavai na vakawati
Na dina eda solia yaco me vakadromuci