Savusavu *

1.) E a tukuni vei au me’u gadi mada ki kea
Koro totoka vunitaki rogovaki wasoma
E guta dina na yaloqu me’u bau butuka mada ga
Ka koula vei au me’u vakaitavi ki kea

2.) I gadigadi ni sara vanua uasivi taudua
Maravu tu na kena toba qai vakaciriloloma
Muria na kena gaunisala sobo sa rui totoka
Koro levu ko Yaroi e davo tu mai vakamaqosa

3.) Sivi na tauni ki Nabauto au qoro
I tikotiko ni matanitu veitabana taucoko
Au rai vaka ki delana noqu mata sarasara
Veisenikau vulavula ‘ra volita na valenibula

4.) Vica ga na yaca au nanuma ka’u bau kila rawa
Timaleti mai Saqani e na koro ko Lakeba
Vadelai Tailevu nomu vosa vakacegu
Merelesita mai Kadavu cava tu na Me damu

5.) E na dau tukuni voli ga noda sota mosimosi
Vei ira au tawa cavuta rawa isa me ‘tou vosoti
Koro totoka vunitaki rui domoni qai wananavu
Me’u tukuna na yacamu sa moce lei Savusavu